Xəzər Rayon İcra Hakimiyyətinin başçısı Elşən Salahov Zirə sakinləri ilə görüşüb. Bu haqda 7 sentyabr tarixində BakuPlus.az RİH-nin mətbuat xidmətinə istinadən xəbər verir.
Görüş qəsəbənin Zirə Mədəniyyət evində keçirilib.
Xəzər Rayon İcra Hakimiyyəti başçısının müavinləri, aparatın şöbə müdirləri, rayonda fəaliyyət göstərən xidmət sahələrinin rəhbərləri sakinləri maraqlandıran məsələləri diqqət mərkəzində saxlayıblar.
Rayon sakinlərinin müxtəlif sahələrə dair müraciətləri dinlənilib, onları narahat edən məsələlərlə bağlı verdikləri suallar ətraflı cavablandırılıb.
Müraciət, təklif və şikayətlərin bəziləri rayon icra hakimiyyəti başçısının göstərişi ilə yerindəcə həll edilib, əlavə araşdırmalara ehtiyac olan məsələlərlə bağlı aidiyyəti qurumların rəhbərlərinə müvafiq tapşırıqlar verilib və onların həlli nəzarətə götürülüb.
[caption id="attachment_68832" align="alignnone" width="800"]
Foto Xəzər Rayon İcra Hakimiyyətinin rəsmi saytı[/caption]
