Xəzər rayonunda Vətən müharibəsi şəhidlərinin anım mərasimləri keçirilib. Bu haqda 9 sentyabr tarixində Bakuplus.az Xəzər RİH-yə istinadən xəbər verir.
8 sentyabrda Vətən müharibəsi şəhidləri baş leytenant Ceyhun Nəhmətov və əsgər Ağəli Yusifovun doğum günləri ilə əlaqədar anım mərasimləri keçirilib. Hər iki mərasimdə Xəzər Rayon İcra Hakimiyyətinin başçısı Elşən Salahov, Millət vəkili Rauf Əliyev, YAP Xəzər rayon təşkilatının sədri Namiq Əhmədov, RİH başçısı aparatının şöbə müdirləri, vəzifəli şəxslər, şəhidlərin ailə üzvləri və qəsəbə sakinləri iştirak ediblər.
İlk öncə şəhid Ceyhun Nəhmətovun abidəsi önünə gül dəstələri düzülüb, ruhuna dualar oxunub. Mərasimdə çıxış edən Xəzər RİH-nin başçısı Elşən Salahov və digər qonaqlar şəhidin ailəsinə başsağlığı veriblər, Azərbaycan Ordusunun qüdrətindən, şəhidlərimizin döyüş zamanı göstərdiyi qəhrəmanlıqlardan söz açıblar.
Daha sonra əsgər Ağəli Yusifovun ailəsi ziyarət olunub, şəhidin evində əziz xatirəsi yad edilib, ruhuna dualar oxunub. Görüş zamanı şəhid ailəsinin problemləri, qayğıları dinlənilib, onların həlli istiqamətində müvafiq tapşırıqlar verilib.
[caption id="attachment_69129" align="alignnone" width="800"]
Foto Xəzər Rayon İcra Hakimiyyətinin rəsmi saytı[/caption]
