Masazırın Nizami Gəncəvi, Rafiq Dünyamalıyev, Hüseyn Cavid və Həzi Aslanov küçələrindəki evlərə günlərdir su gəlmir.
Bu barədə Bakuplus.az-a həmin ərazidə yaşayan sakinlər məlumat verib.
Onların sözlərinə görə, müvafiq orqanlara şikayət olunsa da, problem həll edilmir.
Bundan əlavə, Masazırın Elşad Həsənov küçəsinin sakinləri isə işığın tez-tez sönməsindən təngə gəliblər.
“Masazır qaranlıq içindədir. İşdən çıxıb, saatlarla yollarda avtobus gözlə, evə gəl. Evdə də işığın, suyun, qazın olmasın. “Azərişıq” hər dəfə “qəza baş verib” sözlərini deyir. Bu ərazidə yaşayanlar ilboyu qaz, işıq, su problemləri ilə qarşılaşırlar. Qaz zəif, su kəsilir, işıq isə tez-tez sönür, saatlarla yanmır ”, - deyə sakinlərdən biri deyib.
Məsələ ilə bağlı “Azərsu” və “Azərişıq”a sorğu ünvanlamışıq.
