Paytaxtın Yasamal rayonunda dövlət qurumlarının nümayəndələri sakinlərlə görüş keçiriblər. Bu haqda bu gün, 5 sentyabr tarixində Bakuplus.az rayon İcra Hakimiyyətinə istinadən xəbər verir.
İcra Hakimiyyətinin inzibati binasında keçirilən görüşdə icra başçısı, onun müavinləri, RİH aparatının şöbə müdirləri və digər vəzifəli şəxslər iştirak ediblər.
Tədbirdə kanalizasiya borularının vəziyyəti, fiziki məhdudiyyətli insanların işlə təmin olunması, azad edilmiş ərazilərdə minaya düşmüş şəxslərə sosial yardım, Vətən müharibəsi qazilərinin mənzillə təminatı, qəzalı binaların cari durumu və bir sıra sosial məsələlər müzakirə edilib. Sakinlər dinləniləndən sonra bəzi mövzuların həlli üçün yerində müvafiq tapşırıqlar verilib.
Yasamal rayon İcra Hakimiyyəti başçısının sakinlərlə görüşləri qrafika uyğun olaraq davam edir.
[caption id="attachment_68372" align="alignnone" width="1024"]
Foto Yasamal Rayon İcra Hakimiyyətinin rəsmi saytı[/caption]
