“Azərsu” ASC tərəfindən Bakının Yasamal rayonunda bəzi heyvan kəsimi obyektlərində içməli sudan qeyri-qanuni və israfçılıqla istifadə halları aşkarlanıb.
Məlumata görə, Yasamaldakı heyvan kəsimi məntəqələrinin sahiblərinə dəfələrlə xəbərdarlıq edilsə də, obyektin suyu kəsilsə də, qanunsuz fəaliyyətlərini dayandırmırlar.
Ərazidə mövcud olan 10-dan çox obyektdən yalnız birinin sudan qanuni istifadə etdiyi müəyyən edilib.
Ərazidəki məntəqələr kanalizasiya şəbəkəsinə qanunsuz qoşulub. Şəbəkəyə heyvandarlıq tullantılarının axıdılması lüklərin və boru kəmərlərinin tez-tez tıxanmasına, çirkab suların ətraf ərazilərə tökülməsinə səbəb olur.
8 ay ərzində rayon ərazisində sudan qeyri-qanuni istifadə ilə bağlı 100-dən çox fakt araşdırılması üçün hüquq-mühafizə orqanlarına təqdim edilib.
[URIS id=69174]
