Yeni Suraxanı, 14 iyul küçəsində bir neçə gündür yağan qarın əriməsi nəticəsində iri gölməçələr yaranıb.
Bakuplus.az-ın məlumatına görə, bu barədə Bakı sakinləri bildirib.
Onların sözlərinə görə, gölməçələrin yaranmasına səbəb asfalt örtüyünün düzgün salınmamasıdır.
“Hər belə yağıntıdan sonra buralarda gölməçələr yaranır. Həmçinin Telman Nərimanov küçəsində də vəziyyət belədir. Gölməçələr ucbatından küçədə piyada yolunu keçmək olmur”, - deyə vətəndaşlardan biri deyib.
Sakinlər məsul şəxslərin tez bir zamanda problemi aradan qaldırmasını tələb edirlər.
