Dünya çempionu Toğrul Mikayılovun Türkiyədə döyüşü baş tutub. Bu haqda 29 avqust tarixində Bakuplus.az məlumat verir.
Dövlət Yanğından Mühafizə Xidmətinin yanğınsöndürəni, çavuş Toğrul Mikayılov (61 kq) 28 avqust tarixində Milad Huseyini ilə qarşılaşıb. Qarşılaşma Türkiyənin Giresun şəhərində baş tutub.
Döyüş zamanı Toğrul Mikayılova qarşı haqsızlıq edilib. O, 6-cı raundda rəqibini nakauta salıb, lakin hakim haqsız qərar verərək 7-ci raund elan edib və bu raundda idmançımız uduzub. Lakin döyüşdən sonra şikayət əsasında videogörüntülərə təkrar baxılıb. Bu gün isə hakimin səhv qərarı verildiyi üzə çıxıb və kəmər Milad Huseyinidən alınaraq əsl qalibə təqdim olunub.
Mikayilov Toğrul Bahadır oğlu 24 oktyabr 1996-cı ildə Bakıda anadan olub. O, Kunq-fu sanda üzrə 5 qat dünya, 8 qat Azərbaycan çempionudur. Toğrul Mikayılov, həmçinin Aprel döyüşlərinin iştirakçısıdır.
