Bu gün, 9 dekabr tarixində Bakı metrosunda ölüm hadisəsi baş verib. Bu haqda Trend "Bakı Metropoliteni" QSC-ni Mətbuat Xidmətinin rəhbəri Bəxtiyar Məmmədova istinadən məlumat verib.
Hadisə saat 08:10 radələrində “28 May” stansiyasında baş verib. Sərnişin, səhhəti pisləşdiyinə görə “28 May” stansiyasında qatardan düşürülüb. Hadisə yerinə təcili yardım çağırılsa da, briqada gələnə qədər kişi dünyası dəyişib. Bu şəxsin 40-50 yaş arası olduğu bildirilir.
12:00 -Yenilənib
Məlum olub ki, həmin şəxs Bakı Dövlət Universitetinin Kimya fakültəsinin Analitik kimya kafedrasının baş müəllimi Əhməd Babayevdir. Bu barədə “Azərbaycan Universitetləri”nin Facebook səhifəsi məlumat yayıb. Onun 43 il BDU-da çalışdığı qeyd edilir. Babayev 72 yaşında dünyasını dəyişib.
