Bakıda avtobus sürücüsünə hücum edən qadının məhkəmə prosesi başa çatıb. Bu haqda bu gün, 20 sentyabr tarixində APA məlumat verib.
Cinayət işinə Səbail rayon Məhkəməsində hakim Günel Səmədova tərəfindən baxılıb. Hökmə əsasən, Elnarə Vəliyeva 1 il 11 ay müddətinə azadlıqdan məhrum edilib. Ona Cinayət Məcəlləsinin 70-ci (şərti) maddəsi tətbiq edilib və barəsində 1 il sınaq müddəti seçilib.
Hadisə Səbail rayonu, Ö.F.Nemanzadə küçəsində yerləşən avtobus dayanacağında baş vermişdir. Qadın 6 nömrəli avtobusa minmişdir. O, avtobusların gec gəldiyi üçün işə gecikdiyini bildirmiş və sürücüdən avtobusu hərəkət etdirməyini tələb edmişdir. Sürücü Elmir Mirzəyev sərnişinə qrafikə uyğun hərəkət etməli olduğunu demişdir. Bundan sonra tərəflər arasında mübahisə yaranmışdır. Elnarə Vəliyeva çantasında olan qozçəkənlə sürücünü vurmuşdur. Nəticədə sürücü kəllə-beyin travması almışdır. Elnarə Vəliyevaya qarşı Cinayət Məcəlləsinin “Xuliqanlıq” maddəsi isə cinayət işi başlanılmışdır.
