Bakıda "Azərişıq" ASC-nin əməkdaşını cərəyan vurub.
Lent.az xəbər verir ki, hadisə Sabunçu rayonu Sabunçu qəsəbəsi, S.Qocayev küçəsində baş verib.
Sabunçu rayon İşıq İdarəsinin elektriki 47 yaşlı Emin Mirzə oğlu Hüseynovu işıq dirəyində iş görən zaman cərəyan vurub. Nəticədə o, yerindəcə keçinib.
Faktla bağlı rayon prokurorluğunda araşdırma aparılır.
Xatıraladaq ki, bir neçə gün öncə Qaradağ rayonunda yerləşən zavodlardan birində buna bənzər hadisə baş verib, “Azərişıq” ASC-nin işçisini cərəyan vurub və o, hadisə yerində ölüb.
