Bakının Nəsimi rayonunda 4 nəfərin xəsarət alması ilə nəticələnən yol-nəqliyyat hadisəsi baş verib. Bu haqda 2 may axşam saatlarında APA məlumat verib.
Avtomobillər Azadlıq prospekti ilə Salatın Əsgərova küçəsinin kəsişməsində toqquşub. “Daewoo” markalı avtomobilin sürücüsü işıqforun qırmızı işığından keçərək Ramil Əsgərovun idarə etdiyi “Mercedes” markalı avtomobilə çırpılıb.
Hadisə nəticəsində "Daewoo" aşıb və işıqforu, daha sonra isə yolun kənarındakı dəmir arakəsməni sıradan çıxarıb. Hər iki avtomobilin sürücüsü və “Daewoo”-nun iki sərnişini müxtəlif dərəcəli bədən xəsarətləri alıblar. Təcili yardım briqadaları iki nəfəri ağır xəsarətlərlə xəstəxanaya çatdırıb.
Hadisə yerinə Nəsimi rayon polis idarəsinin əməkdaşları cəlb olunub. Nəqliyyat vasitələri cərimə meydançasına yerləşdirilib. Faktla bağlı araşdırma aparılır.
[URIS id=42851]
