Nəsimi rayonunda Almaniya səfirliyinin 1-ci katibi qəzaya düşüb. Bu haqda 8 avqust tarixində Qafqazinfo məlumat verib.
Rəsul Rza küçəsində Almaniya səfirliyində 1-ci katib vəzifəsində çalışan Rinke Tomasın idarə etdiyi “Mitsubishi” markalı 007 D 015 dövlət qeydiyyat nişanlı avtomobillə paytaxt sakini Təranə Məmmədovanın sükanı arxasında olduğu “KİA” toqquşub. Qəza nəticəsində hər iki avtomobilə ciddi maddi ziyan dəyib. Hadisə zamanı ağır xəsarət alan olmayıb.
İlkin araşdırmalar zamanı hadisənin T.Məmmədovanın “Yol ver” nişanının tələbinə əməl etməməsi səbəbindən baş verməsi məlum olub.
