Bakıda həyat yoldaşını öldürməyə cəhddə təqsirləndirilən Həbib Məmmədovun cinayət işi üzrə məhkəmə prosesi başa çatıb. Ba baradə APA məlumat verib.
Bakı Ağır Cinayətlər Məhkəməsində hakim Zeynal Ağayevin sədrliyi ilə keçirilən prosesdə hökm oxunub. Məmmədov 14 il müddətinə azadlıqdan məhrum edilib.
Hadisə bu il Sabunçu rayonu, Balaxanı qəsəbəsində baş verib. Mübahisə zəminində Həbib Məmmədov arvadına 5 yaşlı övladının gözünün qarşısında bıçaqla zərbələr vurub. Qadın xəstəxanaya yerləşdirilib, onun həyatını xilas etmək mümkün olub. Məmmədov isə tutularaq saxlanılıb.
