Bakıda oğurluq edən 3 nəfər saxlanıb. Hadisə paytaxtın Sabunçu rayonunda baş verib. Bu haqda 7 dekabr tarixində Daxili İşlər Nazirliyinin mətbuat xidməti məlumat yayıb.
Rayonun Maştağa qəsəbəsi ərazisində yerləşən Savalan və Daş Karxanası yaşayış massivlərində son bir neçə ay ərzində mənzillərdən silsilə oğurluqlar etməkdə şübhəli bilinən Tuncay Həsənov, Şakir Vahablı və Qurban Məmmədov tutularaq istintaqa təqdim ediliblər.
Onların həmin ərazilərdə müxtəlif vaxtlarda 8 evdən pul və qızıl-zinət əşyaları oğurladıqları müəyyən edilib. Saxlanılan şəxslər törətdikləri əməlləri etiraf ediblər.
Faktla bağlı istintaq tədbirləri davam edir.
