Bakıda poliklinikanın baş həkimini hədələyən baş redaktor Namiq Əmraxovun cinayət işi yekunlaşaraq Bakı Ağır Cinayətlər Məhkəməsinə göndərilib. Bu haqda Report bu gün, 30 dekabr tarixində xəbər verib.
Cinayət işinə hakim Əhməd Quliyev tərəfindən baxılacaq. Məhkəmənin ilkin iclasının vaxtı hazırda məlum deyil.
Www.sheffaf.az xəbər portalının baş redaktoru Namiq Əmraxovun 36 saylı şəhər poliklinikasının baş həkimindən pul tələb etməsi ilə bağlı rayon prokurorluğuna müraciət daxil olub.
Araşdırma zamanı məlum olub ki, xəbər portalının təsisçisi və baş redaktoru Namiq Əmraxov öz vəzifə səlahiyyətlərindən istifadə edərək həkimin rüsvayedici məlumatlarını yaymaqla hədələyib və 2018-ci ildən bu yana dəfələrlə ümumilikdə 2000 min manat tələb edərək alıb.
Faktla bağlı Sabunçu Rayon Prokurorluğu tərəfindən cinayət işi açılaraq təqsirləndirilən şəxs saxlanılıb.
