Bakıda arvadını hoteldə bıçaqlayan şəxsin istintaqı başa çatıb. Bu haqda 15 sentyabr tarixində APA məlumat verib.
Təqsirləndirilən şəxs barəsində toplanan cinayət işi materialları baxılması üçün Bakı Ağır Cinayətlər Məhkəməsinə göndərilib. Cinayət işi hakim İradə Həsənzadənin icraatına verilib.
Belə ki, bu il 4 iyun tarixində gecə saatlarında paytaxtın Nəsimi rayonu, L.Tolstoy küçəsində yerləşən “Citadel” mehmanxanasında sui-qəsdə cəhd olub. Cəlilabad rayon sakini, 26 yaşlı Rüqayyə Abdullayevanın həyat yoldaşı, 30 yaşlı Tərlan Abdullayev şəxsi münaqişə zəminində qadına çoxsaylı bıçaq xəsarətləri yetirərək, öldürməyə cəhd edib.
Faktla bağlı Nəsimi rayon prokurorluğunda CM-in “Qəsdən adam öldürməyə cəhd” maddəsi ilə cinayət işi açılıb.
