Bu gün, 4 iyun gecə saatlarında paytaxtın Nəsimi rayonu, L.Tolstoy küçəsində yerləşən “Citadel” mehmanxanasında sui-qəsdə cəhd olub. Bu haqda məlumat Azərbaycan Respublikası Baş Prokurorluğunun mətbuat xidməti yayıb.
Cəlilabad rayon sakini, 26 yaşlı Rüqayyə Abdullayevanın xəsarət alması barədə rayon prokurorluğuna məlumat daxil olub. Yaralının həyat yoldaşı, 30 yaşlı Tərlan Abdullayev şəxsi münaqişə zəminində qadını, çoxsaylı bıçaq xəsarətləri yetirərək, öldürməyə cəhd edib.
Faktla bağlı Nəsimi rayon prokurorluğunda “Qəsdən adam öldürməyə cəhd” maddəsi ilə cinayət işi açılıb.
Tərlan Abdullayev şübhəli şəxs qismində tutularaq istintaqa cəlb edilib. Hazırda cinayət işi üzrə istintaq-əməliyyat tədbirləri davam etdirilir.
