Bakının Biləcəri qəsəbəsində meyiti aşkarlanan şəxsin qətlə yetirildiyi müəyyən edilib. Bu haqda bu gün, 8 iyul tarixində Bakuplus.az Baş Prokurorluğun mətbuat xidmətinə istinadən məlumat verir.
Aşkar olunan meyitin kimliyi də məlum olub. 26 yaşlı Saleh Sadıqovun iyunun 25-i saat 01:00 radələrində 35 yaşlı Anar Cəfərov tərəfindən aralarında yaranmış mübahisə zamanı qəsdən öldürülməsinə əsaslı şübhələr müəyyən edilib.
Faktla bağlı cinayət işi açılıb. Anar Cəfərov şübhəli şəxs qismində saxlanılıb. İstintaq tədbirləri davam etdirilir.
