Bakının Binəqədi rayonu, 9-cu mikrorayonda doqquzmərtəbəli binada partlayış baş verib. Bir nəfər xəsarət alıb. Bu haqda bu gün, 30 dekabr tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə yerinə Dövlət Yanğından Mühafizə Xidmətinin əməkdaşları cəlb olunublar. İlkin araşdırmalara görə, partlayış 9-cu mərtəbədə ümumi sahəsi 70 kv.m olan mənzildə məişət qazının sızması nəticəsində baş verib.
Partlayış dalğasının zərbəsindən mənzildə pəncərə çərçivələri yerindən çıxıb, yaşayış sahəsinə və 2 qonşu mənzilə ziyan dəyib.
Hadisə nəticəsində bir nəfər xəsarət alıb. Fakt araşdırılır.
[URIS id=85420]
