Paytaxtın Nəsimi rayonunda motosiklet avtmobillə toqquşub, motosikleti idarə edən şəxs xəsarət alıb. Bu haqda bu gün, 20 dekabr səhər saatlarında Report məlumat verib.
Mirəli Qaşqay və Salatın Əsgərova küçələrinin kəsişməsində 26 yaşlı Sabir Məmmədzadə motosikleti idarə edərkən avtomobillə toqquşub. Qəza nəticəsində o, ağır xəsarətlər alıb. Hadisə yerinə cəln olunan təcili tibbi yardımın köməkliyi ilə yaralı 3 saylı Şəhər Klinik Xəstəxanasına çatdırılıb. Məmmədzadəyə sağ bud sümüyünün sınığı və qapalı-kəllə beyin travması diaqnozları qoyulub.
Hadisə araşdırılır.
