Bakıda narkotik istifadə edən yeniyetmənin videogörüntüləri yayılıb. Bu haqda bu gün, 5 may tarixində Bakuplus.az Oxu.az-a istinadən xəbər verir.
Paytaxtın Nəsimi rayonu ərazisində yeniyetmə narkotik təsiri altında olaraq xoşagəlməz vəziyyətə düşüb. Ailə, Qadın və Uşaq Problemləri üzrə Dövlət Komitəsindən bildirilib ki, həmin uşağın adı Ruslandır.
“Ruslan komitə tərəfindən iki dəfə müalicə müəssisəsinə yerləşdirilib. Müalicə dövrü bitdikdən sonra ailəsinə təhvil verilib. Görünür, müəssisədən çıxandan sonra yenidən narkotik istifadəsinə davam edir”, - açıqlamada deyilir.
Qurum əlavə edib ki, hazırda uşağın axtarışları aparılır. O, tapılan kimi yenidən müalicə müəssisəsinə yerləşdirilməsinə cəhd olunacaq.
[video width="1920" height="1080" mp4="https://bakuplus.az/storage/photos/2023/05/1080p.mp4"][/video]
