Bakıda otaq yoldaşını öldürən şəxsə hökm oxunub. Bu haqda 5 avqust tarixində Report məlumat verib.
Bakı Ağır Cinayətlər Məhkəməsində Suraxanı rayonunda otaq yoldaşını qətlə yetirməkdə təqsirləndirilən 56 yaşlı Ravil Baybəyova hökm oxunub və o, 16 il müddətinə azadlıqdan məhrum edilib.
Belə ki, Əmircan qəsəbəsində 2022-ci il martın 29-da Baybəyov birgə yaşadıqları mənzildə heç bir əsaslı səbəb olmadan xuliqanlıq niyyəti ilə 50 yaşlı Fəxrəddin Əsədovu bıçaqlayaraq onu qəsdən öldürüb.
Ravil Baybəyov saxlanılıb və onun barəsində CM-in “Xuliqanlıq niyyəti ilə adam öldürmə” maddəsi ilə ittiham irəli sürülüb.
