Bakının Nəsimi rayonu, İlqar İsmayılov küçəsində yerləşən mənzildə quldurluq hadisəsi qeydə alınıb. Bu haqda bu gün, 20 aprel tarixində Bakuplus.az məlumat verir.
Səliqə Məmmədova polisə müraciət edərək bildirib ki, 18 aprel saat 01:00 radələrində naməlum şəxs onun kirayə yaşadığı mənzilə daxil olub. O, qadının qışqırmaması üçün ağzını tutub, 100 manat pul və təqaüd kartını oğurlayıb.
Daxili İşlər Nazirliyinin (DİN) mətbuat xidmətindən bildirildi ki, quldurluq əməlində şübhəli bilinən əvvəllər də oğurluğa görə məhkum olunmuş Yevlax rayon sakini Ruslan Salmanov polis əməkdaşları tərəfindən saxlanılıb.
Faktla bağlı araşdırma aparılır.
