Nəsimi rayonunda bıçaqlanan qazi barədə Bakuplus.az-ın redaksiyasına 18 avqust tarixində ətraflı məlumat daxil olub.
“Kubinka” ərazisində Vətən müharibəsi iştirakçısı, 24 yaşlı Niyaməddin Muradov Bəxtiyar Qarayev adlı şəxsin qadının əlindən telefonu alaraq onu döyməsinin şahidi olub. Muradov dərhal onun bu əməlinin qarşısını almaq üçün qadını müdafiə etməyə çalışıb. Lakin Qarayev onu ürəyindən bıçaqlayıb və Niyaməddin aldığı xəsatərlərdən hadisə yerində dünyasını dəyişib.
Bakuplus.az-ın aldığı məlumata əsasən, Niyaməddin Muradov Dərşad oğlu 27 oktyabr 1998-ci ildə Salyan rayonunun Aşağı Noxudlu kəndində anadan olub. Mərhum Niyaməddin könüllü olaraq Vətən müharibəsinə qatılıb və Qubadlı, Xocavənd rayonlarının işğaldan azad olunmasında iştirak edib. Prezidentin qərarına əsasən, o, “Xocavəndin azad olunmasına görə” və “Qubadlının azad olunmasına görə” medalları ilə təltif olunub.
Niyaməddin Bakıda gecə növbəsində mühafizəçi işləyib.
[URIS id=59648]
