Bakının Binəqədi rayonunda ailə münaqişəsi yanğınla nəticələnib. Bu haqda bu gün, 5 aprel tarixində APA məlumat verib.
Azadlıq prospekti, 4, mənzil 6 ünvanında yaşayan Faiq Əzizov qardaşı Xaliqlə mübahisə edib. Xaliqin sözlərinə görə, mübahisə pul məsələləri səbəbindən baş verib. O, həmçinin bildirib ki, qardaşı ata mülkünü yandıraraq hadisə yerindən yayınıb. Yanğın zamanı Xaliq və anası mənzildə olublar.
Hadisə yerinə FHN-in əməkdaşları cəlb olunublar, yanğın söndürülüb. Üç otaqdan biri tamamilə yanıb, mənzilin digər hissələri alovdan mühafizə olunub.
Faktla bağlı Binəqədi Rayon Polis İdarəsinin əməkdaşları araşdırma aparırlar.
[caption id="attachment_96143" align="alignnone" width="640"]
Foto Apa.az saytı[/caption]
