Bakının Nəsimi rayonu, “28 May” metro stansiyasının yaxınlığında yerləşən parkinqdən oğurluq edən şəxslər saxlanılıb. Bu haqda bu gün, 27 iyun tarixində Bakuplus.az Daxili İşlər Nazirliyinə istinadən məlumat verir.
Axtarış-əməliyyat zamanı polis əməkdaşları Sərxan Əhmədov və Şahverdi Zeynalovu saxlayıb. Onlar ifadələrində müxtəlif vaxtlarda 5 nəfərin velosipedini oğurlayıb satdıqlarını bildiriblər.
Hadisə ilə bağlı Dəmiryol Polis İdarəsi tərəfindən araşdırma aparılır. Sərxan Əhmədov və Şahverdi Zeynalovun qanunsuz əməllərindən zərərçəkən başqa vətəndaşlar varsa, bu barədə ərazi polis idarəsinə, 102 məlumat xidmətinə və nazirliyin sosial şəbəkələrdəki səhifələrinə məlumat verə bilərlər.
