Paytaxtda qanunsuz taksi xidməti göstərən şəxs həbs edilib.
“Qafqazinfo” xəbər verir ki, hadisə Heydər Əliyev Beynəlxalq Hava Limanında qeydə alınıb. Polis əməkdaşları ərazidə xidmət apararkən 58 yaşlı Ağdam rayon sakini B.Babayevin “Hyundai” markalı avtomobillə taksi xidməti göstərdiyini aşkar ediblər. Onun avtomobilində tanınma nişanı və taksometr qurğusu olmayıb. B.Babayev bölməyə dəvət edildiyi zaman müqavimət göstərərək ictimai asayişi pozub.
Nəqliyyatda Baş Polis İdarəsi tərəfindən B.Babayevə İnzibati Xətalar Məcəlləsinin “Xırda xuliqanlıq və polisin qanuni tələbinə qəsdən tabe olmama” maddələri ilə protokol tərtib edilib.
İş Xəzər Rayon Məhkəməsinə göndərilib. Məhkəmənin qərarına əsasən o, 8 sutka müddətində həbs edilib.
