Paytaxtın Yasamal rayonunda bir nəfər narkotacir saxlanılıb. Bu haqda bu gün, 24 noyabr tarixində Baş Narkotiklərlə Mübarizə İdarəsinin mətbuat xidməti məlumat yayıb.
Əvvəllər məhkum olunmuş Vüsal Yaqubov saxlanıldığı zaman üzərindən 170 qram heroin və 50 qram metamfetamin aşkar edilib. O narkotik maddələrin alveri ilə məşğul olduğunu etiraf edib.
Faktla bağlı araşdırma aparılır.
Bundan əvvəl, 25 oktyabr tarixində həmin rayonda 12 nəfər narkotik alverçisi saxlanılmışdır.
