Bu gün, 8 avqust səhər saatlarında Bakı-Ələt yolunda baş vermiş yol qəzasında xəsarət alan beş nəfər Kliniki Tibbi Mərkəzə yerləşdirilib. Bu haqda tibbi müəssisənin rəsmisi Elnur Hidayətoğlu məlumat verib.
Vətəndaşlardan birinin - 34 yaşlı şəxsin vəziyyəti ağır olduğuna görə, o, Mərkəzin Üz-çənə cərrahiyyəsi şöbəsinə yerləşdirilib.
Digər dörd nəfərdə - 25 və 32 yaşlı şəxslərdə gicgah nahiyəsinin travması, 44 yaşlı şəxsdə burun sümüyünün sınığı və 34 yaşlı şəxsdə ayaq-daraq sümüyünün sınığı aşkarlanıb və hər birinə müvafiq tibbi yardımlar göstərilib. Xəsarət alanlar ilkin tibbi yardım göstərildikdən sonra evə buraxılıblar.
