Bakının mərkəzində 1 otaqlı mənzil yanıb. Hadisə paytaxtın Nəsimi rayonu ərazisində baş verib. Bu haqda Fövqəladə Hallar Nazirliyinin mətbuat xidməti məlumat yayıb.
Üçmərtəbəli binada ümumi sahəsi 40 kv.m olan 1 otaqlı mənzildə qaz sobasının tavana bitişik hissəsində 4 kv.m divar üzlüyü və binanın dam örtüyünün 5 kv.m sahəsi yanıb.
Hadisə yerinə FHN-nin 2 yanğınsöndürən maşını cəlb olunub. Yanğın FHN əməkdaşları tərəfindən söndürülüb.
Mənzilin qalan hissəsi və digər mənzillər yanğından mühafizə olunub.
