Paytaxtın mərkəzində təcili tibbi yardım avtomobili aşıb. Bu haqda bu gün, 2 fevral səhər saatlarında sosial şəbəkələrdə məlumat yayılıb.
Yayılan məlumata əsasən, Rəşid Behbudov küçəsində hərəkət edən “Ambulans” maşını qəzaya uğrayıb. Xəsarət alan və ya ölən haqda hələ ki məlumat yoxdur.
13:56 - Yenilənib
Rəşid Behbudov küçəsində hərəkət edən təcili yardım avtomobilinin aşması nəticəsində sürücü kəllə-beyin travması alıb. Bu haqda bu gün, 12 fevral tarixində APA Dövlət Yol Polisi İdarəsinin baş inspektoru Araz Əsgərliyə istinadən məlumat verib.
Hadisə yerinə Dövlət Yol Polisi İdarəsi və Rayon Polis İdarəsinin əməkdaşları cəlb olunub. Qəza zamanı sürücü avtomobildə tək olub.
