Bakı sakini Şəkidə baş vermiş avtoqəzada xəsarət alıb. Bu haqda bu gün, 12 iyul tarixində Bakuplus.az Azərtac-a istinadən xəbər verir.
Hadisə Qaraməryəm–İsmayıllı–Şəki avtomobil yolunun Şəkinin Oraban kəndi ərazisindən keçən hissəsində qeydə alınıb. 25 yaşlı Teymur Əliyevin idarə etdiyi “Hyundai” markalı avtomobil hərəkətdə olan zaman sərt döngədə idarəetmədən çıxaraq aşıb.
Qəza nəticəsində “Hyundai”də olan sərnişin, Bakı şəhər sakini, 40 yaşlı Günay Baxşəliyeva xəsarət alıb. O, Şəki Rayon Mərkəzi Xəstəxanasına yerləşdirilib.
Sürücünün vəziyyəti qənaətbəxş olduğundan ona ilkin tibbi yardım göstəriləndən sonra evə buraxılıb.
Faktla bağlı araşdırma aparılır.
