Sabunçu rayonu, Bakıxanov qəsəbəsində bir neçə mənzildən oğurluq edən şəxs saxlanılıb. Bu haqda Daxili İşlər Nazirliyinin (DİN) Mətbuat Xidməti məlumat verib.
Sabunçu Rayon Polis İdarəsi və 13-cü Polis Bölməsinin əməkdaşları tərəfindən əməliyyat tədbirləri keçirilib. Nəticədə Elmin Cəfərov tutularaq istintaqa təqdim edilib. O, istintaq zamanı Bakıxanov qəsəbəsində müxtəlif vaxtlarda 8 evdən oğurluq etdiyini etiraf edib. Ümumilikdə, Cəfərov 103 min manatdan artıq pul və qızıl-zinət əşyaları oğurlayıb.
Elmin Cəfərov oğurladığı pullar hesabına şəxsi istifadəsi üçün iki avtomobil və digər qiymətli əşyalar alıb.
Fakta bağlı araşdırma davam etdirilir.
