Paytaxtın Binəqədi rayonu ərazisində yerləşən mağazaların birindən oğurluğa cəhd edən şəxs tutulub. Bu haqda bu gün, 3 noyabr tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Hadisə noyabrın 1-də gecə saatlarında baş verib. Rayon ərazisində yerləşən qorunan musiqi alətləri mağazasından Binəqədi Rayon Mühafizə İdarəsinə həyəcan siqnalı daxil olub. Hadisə yerinə dərhal polis əməkdaşları cəlb olunublar. Mağazadan oğurluğa cəhd göstərən şəxs saxlanılaraq 40-cı Polis Bölməsinə təhvil verilib.
Şübhəli bilinən şəxsin Qubadlı rayon sakini T.Ələsgərov olduğu məlum olub. Faktla bağlı araşdırma aparılır.
