Bu gün, 31 avqust saat 00:10 radələrində Bakı şəhəri Nərimanov rayonunun Ziya Bünyadov prospektində zəncirvari qəza baş verib. Bu barədə Avtosfer.az məlumat verir.
Ümumi olaraq qəza nəticəsində 6 avtomobil bir-birinə çırpılıb. “Toyota Prius” markalı avtomobilin qəfildən qarşısına çıxan piyadalar səbəbindən idarəetməni itirməsi nəticəsində qarşıda gedən “Kia” avtomobili ilə toqquşub. Bundan sonra daha 4 avtomobil onlara çırpılıb. Hadisədə xəsarət alan olmayıb.
Daha öncə, Bakının Ziya Bünyadov prospektində 23 avqust tarixində yol nəqliyyat hadisəsi baş vermişdir. “Toyota Prius” markalı avtomobilin sürücüsü idarəetməni itirərək bordürə dəyib və “Kamaza” çırpılmışdır.
