Bakıda idarə rəisinin 190 min manatını mənimsəyən İsmayıl Vəliyev (soyad şərti) yenidən həbs edilib.
O, vəzifəli şəxs İlqar Süleymanovun 2014-cü ildə ona etibar edərək 140 min manatlıq mənzil və 50 min manatlıq avtomobil alması üçün verdiyi pulları mənimsəyib. Bu hadisə nəticəsində Vəliyev 2015-ci ildən 6 il müddətinə azadlıqdan məhrum olunub.
Azadlığa çıxdıqdan sonra, Vəliyev və Süleymanov arasında borc müqaviləsi imzalanmışdı. Lakin, Vəliyev 2024-cü ilin fevralında 190 min manatı qaytarmadığı üçün yenidən həbs edilib. O, Cinayət Məcəlləsinin 178.3.2-ci maddəsi ilə 4 il müddətinə azadlıqdan məhrum edilib.
Qeyd edək ki, İlqar Süleymanov hazırda Dövlət Vergi Xidmətinin Bakı şəhəri Lokal Gəlirlər Baş İdarəsinin Hüquq İdarəsinin rəisi vəzifəsində çalışır.
