Binəqədi rayonunda oğurluq edən şəxs tutulub. Bu haqda bu gün, 24 iyul tarixində Bakuplus.az Daxili İşlər Nazirliyinə istinadən xəbər verir.
Hadisə rayonun Çiçək və Abşeron rayonunun Hökməli qəsəbələrində baş verib. İmişli rayon sakini, əvvəllər narkotikə görə məhkum olunmuş 43 yaşlı Şahin Məmmədov 2 evdən 2600 AZN dəyərində qızıl-zinət əşyaları, 600 AZN dəyərində məişət əşyaları və elektrik naqili, eləcə də qazanxanadan 1600 AZN dəyərində mühərrik hissələri, elektrik naqili, təmir alətləri, 2 binanın zirzəmisindən 4250 AZN dəyərində 4 ədəd velosiped, 2 ədəd monitor, müşahidə kamerası, istilik sistemləri, təmir alətləri və elektrik naqili oğurlamaqda şübhəli bilinir.
Faktla bağlı araşdırma aparılır.
