Baş Mütəşəkkil Cinayətkarlıqla Mübarizə İdarəsinin (BMCMİ) əməkdaşları tərəfindən Bakıda həbs olunan Oleq Krapivinin (Oleq Bakinski) hansı maddə ilə ittiham olunduğu məlum olub. Bu haqda bu gün, 3 avqust tarixində Bakuplus.az Lent.az-a istinadən məlumat verir.
Krapivinə qarşı Cinayət Məcəlləsinin “Xuliqanlıq, silahdan və ya silah qismində istifadə olunan əşyalardan istifadə edilməklə törədilməsi zərərçəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda” maddəsi ilə təqsirləndirilir. İstintaq davam etdirilir.
Ukraynalı tanınmış kriminal avtoritet Oleq Bakinski iki gün əvvəl Bakıda saxlanılıb. Onun Ukraynada tanınmış kriminal avtoritet olduğu bildirilir. “Forbes”un 2022-ci ildə dərc olunmuş məlumatına görə, 1966-cı ildə Şamaxı şəhərində anadan olmuş Krapivin Ukraynanın 100 ən zəngin adamı siyahısında 98-ci yerdə qərarlaşıb.
