Qaradağ rayonunda balıq tutan 2 nəfər dənizdə batıb. Bu haqda 29 iyul tarixində bizim.media məlumat verib.
Lökbatan qəsəbəsinin Mayak adlanan ərazisində Nicat Allahverdiyev və Sübhan Zöhrabov balıq tutarkən ehtiyatsızlıqdan suya düşərək batıblar.
Faktla bağlı FHN-in “Bakı” Dalğıc-axtarış qrupunun 6 nəfərlik şəxsi heyəti axtarışlara cəlb olunub. Axtarışlar dünən saat 19:03-də başlayıb, lakin qeyri-sabit küləkli hava şəraiti səbəbindən su nəqliyyatı vasitəsini suya salmaq mümkün olmayıb.
Bu gün səhər saat 07:00-dan yenidən başlayan axtarışlar hal-hazırda da davam etdirilir.
Yenilənib 15:20
Dənizdə batan şəxslərin kimliyi bəlli olub. Həmin şəxslər Nicat Allahverdiyev və Sübhan Zöhrabovdur. Nicat Allahverdiyevin atası Hüseyn Allahverdiyev Birinci Qarabağ müharibəsində 1993-cü ildə Ağdam uğrunda gedən döyüşlərdə şəhid olub. Sübhan Zöhrabov isə Vətən müharibəsi qazisidir.
