Xəzər rayonunda qanunsuz ağac kəsiminə görə cinayət işi başlanılıb. Bu haqda 8 avqust tarixində Report məlumat verib.
Mərdəkan qəsəbəsi, S.Yesenin küçəsində yerləşən qeyri-yaşayış obyektinin tikintisi aparılarkən, həmin tikilinin qarşısında meşə fonduna daxil olmayan 2 ədəd yaş kök üstdə bioloji inkişafda olan sərv ağacı qanunsuz kəsilib. Kəsilmə nəticəsində təbiətə 2700 manat dəyərində ziyan dəyib.
Faktla bağlı başlanmış cinayət işi üzrə Baş Prokurorluğun İstintaq idarəsində istintaq aparılıb və Mirzəli Cəfərquliyeva CM-in “Qabaqcadan əlbir olan bir qrup şəxs tərəfindən qanunsuz ağac kəsmə külli miqdarda ziyan vurmaqla törədildikdə” maddəsi ilə cinayət işi açılıb. Onun barəsində polisin nəzarəti altına vermə qətimkan tədbiri seçilib.
