Nərimanov Rayon Polis İdarəsi rəisinin müavini, polis mayoru Cavid İsmayılzadə Bakı-Qazax yolunun Yevlaxdan keçən hissəsində qəzaya düşərək həlak olub.
Hadisə yerindən görüntüləri təqdim edirik:
09:36 - Nərimanovun rəis müavini qəzada həlak oldu
Oktyabrın 9-da saat 21:30 radələrində Bakı-Qazax yolunun Yevlax rayonu ərazisində baş verən qəza zamanı "Toyota" markalı avtomobil yük maşını ilə toqquşub. Hadisə nəticəsində minik avtomobilinin sürücüsü, məzuniyyətdə olan polis zabiti Cavid İsmayılzadə hadisə yerində vəfat edib.
Bakupost.az məlumat yayıb ki, C.İsmayılzadə Nərimanov Rayon Polis İdarəsi rəisinin müavini, polis mayoru idi. O, Abşeron və Binəqədi rayon polis idarələrinin keçmiş rəisi polkovnik Namiq İsmayılovun oğludur. C.İsmayılzadə rəis müavini vəzifəsinə bu ilin aprelində təyin olunmuşdu. Bu vəzifəyə qədər Nərimanov Rayon Polis İdarəsinin 16-cı Polis şöbəsinin rəisi olub.
