Bakıda vətəndaş binanın üçüncü mərtəbəsindən yıxılıb. Bu haqda 26 sentyabr tarixində APA məlumat verib.
Nəsimi rayonu, 20 Yanvar küçəsində 13 yaşlı uşaq ehtiyatsızlıqdan beşmərtəbəli binanın 3-cü mərtəbəsindəki mənzilin pəncərəsindən yıxılıb. O, 1-ci mərtəbənin eyvanının artırma hissəsinin beton örtüyünün üzərinə yıxılaraq köməksiz vəziyyətdə qalıb.
Hadisə yerinə FHN-in Xüsusi Riskli Xilasetmə Xidmətinin müvafiq xilasetmə qüvvələri cəlb olunub. Xilasedicilər xilasetmə vasitələrindən istifadə etməklə vətəndaşı aşağı düşürərək təcili tibbi yardım briqadasına təhvil veriblər.
