Paytaxtın Nəsimi rayonunda Yevlax rayonu sakini 69 yaşlı Səlim Səlimov 26 sentyabr tarixində itkin düşüb. Bu haqda Report Daxili İşlər Nazirliyinə (DİN) istinadən bu gün, 22 oktyabr tarixində məlumat verib.
Evdən çıxarkən onun əynində üzərində boz nöqtələri olan qara rəngli köynək, qara rəngdə şalvar, göy rəngdə ayaqqabı olub.
Araşdırma Nəsimi rayon polis idarəsi tərəfindən aparılır. Kişini görənlərdən və ya onun haqqında hansısa məlumat əldə edən insanlardan DİN-in "102” Zəng Mərkəzinə, həmçinin Nəsimi Rayon Polis İdarəsinə (012) 440-02-02 şəhər və (051) 300-03-00 mobil nömrələrinə zəng vuraraq müraciət etmələri xahiş olunur.
