"Kubinka” və "Papanin”də narkokuryerlər saxlanılıb. Bu haqda 3 may tarixində Daxili İşlər Nazirliyi məlumat verib.
Nəsimi Rayon Polis İdarəsinin əməkdaşları tərəfindən keçirilən əməliyyatlar zamanı narkotik maddələrin satışı ilə məşğul olan daha 9 nəfər -
Cəlal Məhərrəmli, Samir Süleymanov, Elçin Quliyev, İsa Nəsirov, Musa Musayev, Sevinc Həsənova, Zamin Manafov, Rüfət Xudayarov və Nicat Cəfərov saxlanılıblar. Onların üzərində 2 kiloqram narkotik vasitə və psixotrop maddə aşkar olunub.
Saxlanılanlar narkotikləri sosial şəbəkələrdə tanış olduqları, xaricdə yaşayan narkotacirlərdən onlayn yolla əldə ediblər. Faktlarla bağlı cinayət işi açılıb və narkotacirlər barəsində məhkəmənin qərarı ilə həbs qətimkan tədbiri seçilib.
