Bakıda həkimin çantasından oğurluq edən şəxs saxlanılıb. Bu haqda 4 mart tarixində Report məlumat verib.
Nəsimidə yerləşən hospitalların birində orada işləyən qadının çantasından kosmetik əşyalar və bank kartı oğurlanıb. Həmçinin kartından 1316 manat pul çıxarılaraq mənimsənib.
Polis əməkdaşlarının keçirdikləri əməliyyat tədbirləri nəticəsində Göyçay şəhər sakini, əvvəllər dəfələrlə məhkum olunmuş E.Fərzəliyev saxlanılıb. Araşdırma zamanı məlum olub ki, o, rayon ərazisində yerləşən digər bir hospitalda həkimlərdən birinin içərisində pulu, mobil telefonu və pulqabısı olan çantasını dolabdan oğurlayıb.
Faktla bağlı araşdırma davam edir.
