Nəsimi rayonunda intihara cəhdin qarşısı alınıb. Bu haqda BakuPlus.az Fövqaladə Hallar Nazirliyinə istinadən bu gün, 18 iyun tarixində xəbər verir.
4-cü mikrorayon, Hüseyn Seyidzadə küçəsindəki binada yaşayan şəxs beşinci mərtəbəyə çıxaraq intihara cəhd edib.
Hadisə yerinə FHN əməkdaşları cəlb edilib.
Vətəndaşla aparılan psixoloji söhbətlər nəticəsində o, özünə qəsd etmək fikrindən daşınıb.
10:47 - Yenilənib
Nəsimi rayonunda baş vermiş intihar cəhdinin təfərrüatları məlum olub. Report-a istinadən, Şirvan şəhər sakini, 32 yaşlı Elzamin Allahverdiyev yaşayış binalarından birinin 5-ci mərtəbəsinə çıxaraq, oradan özünü atmağa cəhd edib. Hadisə yerinə gəlmiş polis serjantı İ.Cavayev aşağı mərtəbədəki pəncərənin şüşəsini yumruqla qıraraq Allahverdiyevin ayağından tutub və digər polis əməkdaşlarının köməyi ilə cəhdin qarşısı alınıb.
Məlum olub ki, Allahverdiyev əvvəllər narkotik vasitələrin istifadəsinə və satışına görə məhkum olunmuş şəxsdir.
Polis sağ bilək və baş nahiyəsindən kəsik xəsarətləri alıb.
