Bakıda Əməkdar artisti avtomobil vurub. Bu haqda 27 oktyabr tarixində Oxu.az xəbər verib.
Nəsimi rayonu ərazisində, Bakı Dövlət Sirkinin yaxınlığında Əməkdar artist Elizbar Osmanovu “BMW” markalı avtomobil vurub. O, ağır vəziyyətdə oktyabrın 26-sı saat 19:05-də 1 saylı Kliniki Tibbi Mərkəzə yerləşdirilib. Müayinə zamanı məlum olub ki, onun çanaq sümüyü sınıb. Onun vəziyyəti ağır olduğundan dərhal müdaxilə edilərək cərrahi əməliyyat edilib. Hal-hazırda Osmanovun vəziyyəti ağır olaraq qalır.
Hadisəni törədən sürücü polis tərəfindən saxlanılıb.
Qeyd edək ki, Elizbar Osmanova Prezidentin sərəncamı ilə 16 oktyabr 2021-ci ildə “Əməkdar artist” fəxri adı verilib.
