Paytaxtın Nəsimi rayonunun Cavadxan küçəsi, 28 və 32 ünvanlarında yenidənqurma işləri aparılır. Bu haqda bu gün, 1 may tarixində Bakuplus.az rayon İcra Hakimiyyətinə istinadən xəbər verir.
Aparılan abadlaşdırılma işləri çərçivəsində binaların dam örtüyü əsaslı təmir edilib, yağış sularının axdığı borular və navalçalar dəyişdirilib. Həyətdə istinad divarları hörülərək aqlay daşla üzlənib, yeni işıqlandırma sistemi çəkilib. Əraziyə söhbətgahlar, eləcə də uşaq və idman meydançaları quraşdırılacaq.
Bundan əlavə, kökü qurumuş və təhlükəli vəziyyətdə olan ağaclar budanıb, qanunsuz hasara alınmış çəpərlər sökülərək ərazilər sakinlərin ümumi istifadəsinə verilib.
Hazırda qapı və pəncərələr yeniləri ilə əvəz olunur. Həyətdə torpaq işləri görülür, bordür və tamet daşları düzülür.
[caption id="attachment_98870" align="alignnone" width="640"]
Foto Nəsimi Rayon İcra Hakimiyyəti[/caption]
[caption id="attachment_98869" align="alignnone" width="640"]
Foto Nəsimi Rayon İcra Hakimiyyəti[/caption]
