Bakıda “Kalaşnikov” silahını satmaq istəyən şəxs saxlanılıb. Bu haqda 17 yanvar tarixində Report xəbər verib.
Nəsimi rayonunda polis əməkdaşlarının keçirdiyi əməliyyat-axtarış tədbirləri nəticəsində, üzərində qanunsuz olaraq odlu silah-sursat gəzdirən, əvvəllər məhkum olunmuş paytaxt sakini Aftandil Çobanov saxlanılıb. Onun çantasından 1 ədəd “Kalaşnikov” markalı avtomat, 11 ədəd patron və daraq aşkar edilib.
Məlum olub ki, o, odlu silah-sursatı bir neçə ay bundan əvvəl əldə edib və satmaq məqsədilə özündə saxlayıb.
Faktla bağlı istintaq işləri davam edir.
