Nəsimi rayonunda narkotiklərin qanunsuz dövriyyəsinə qarşı əməliyyat keçirilib. Bu haqda 13 sentyabr tarixində APA xəbər verib.
Şəmsi Bədəlbəyli, Asəf Zeynallı və Namiq Məlikov küçələrində əməliyyat zamanı narkotik satan 16 nəfər saxlanılıb. Həmin şəxslərdə ümumilikdə 2 kiloqrama yaxın heroin, tiryək və psixotrop maddə olan metamfetamin aşkar olunub.
Faktlarla bağlı saxlanılan şəxslər barəsində toplanan materiallar Nəsimi rayon Polis İdarəsinin İstintaq Şöbəsinə göndərilib. Onlar barəsində məhkəmənin qərarı ilə həbs qətimkan tədbiri seçilib.
